Байланыш операторлор ассоциациясынын кайрылуусу каралды

2026-жылдын 18 – мартында Кызмат Бишкек шаарынын мэриясынын жана байланыш операторлор ассоциациясынын (мындан ары - Ассоциация) өкүлдөрүнүн катышуусу менен "Бишкекжарык" жана "Бишкек троллейбус башкармалыгы" муниципалдык ишканаларынын (мындан ары-кызмат көрсөтүүчүлөр) була-оптикалык линияларды жайгаштыруу үчүн таянычтарды жайгаштыруу үчүн ижара акысын 50% пландаштырылган жогорулатуу маселеси боюнча жумушчу кеңешме өткөрдү.

            Ассоциация кызмат көрсөтүүчүлөрдүн эсептөө методикасынын жоктугун жана жогорулатууга экономикалык негиздердин жетишсиз экенин белгиледи. Баанын кескин өсүшү операторлордун чыгымын жана натыйжада керектөөчүлөр үчүн тарифтин жогорулашына алып келиши мүмкүн.

            Кеңешменин жыйынтыгы боюнча, жетишилген макулдашууларга ылайык, Бишкек шаарынын мэриясына 2026-жылдын 1-апрелине чейин төмөнкү маселелерди карап чыгуу сунушталды:

• таянычтарды ижарага алуу үчүн рационалдуу жана негизделген тарифти белгилөө, аларды көчүрүү учурунда жеңилдетилген тарифти колдонуу мүмкүнчүлүгүн кароо;

• тарифти түзүү механизмин/процедурасын иштеп чыгуу;

• тарифти түзүүнүн жана өзгөртүүлөрүнүн ачыктыгын жана негиздемесин камсыздоо;

            - инфляцияны жана башка экономикалык факторлорду эске алуу менен тарифтерди акырындык менен жогорулатуу;

• бардык байланыш операторлору үчүн бирдей шарттарды камсыз кылуу.